பின்னூட்டங்களை படிக்கவே சில வலைப்பக்கங்களுக்கு தொடர்ச்சியாக செல்வதுண்டு. சில இடுகைகளில் நாம் பின்னூட்டங்களில் பங்கேற்போம். நாம் போட்ட பின்னூட்டத்திற்கு இடுகை எழுதியவர் அல்லது பிறர் ஏதேனும் பதில் சொல்லி உள்ளார்களா என்று அறிய ஆர்வம் இருக்கும். எனவே தொடர்ச்சியாக அந்த பக்கத்திற்கு சென்று பார்த்து கொண்டு இருப்போம்.
சில இடுகைகளில் நம் சந்தேகங்களை கேட்டு இருப்போம். அங்கே நமக்கு பதில் அளித்தார்களா என்று அறிய அடிக்கடி செல்ல வேண்டி இருக்கும். நாம் கேட்கும் கேள்விக்கு ஒரு வருடம் கழித்து கூட அந்த பக்கத்திற்கு புதிதாக வரும் ஒருவர் பதில் அளிக்கலாம். தினமும் அந்த பக்கத்திற்கு சென்று பார்த்து கொண்டு இருப்பது நடைமுறையில் சாத்தியம் இல்லாத விஷயம்.
இதனை எளிமையாக்கும் வசதிதான் ஈமெயில் பாலோ-அப் (Email follow-up). பிளாக்கர் பதிவுகளில் பின்னூட்டம் இடும் போது பின்னூட்ட பேட்டியின் கீழே "Email follow-up comments to" அல்லது "Subscribe by email" என்ற வாசகத்தை நீங்கள் கண்டிருக்க கூடும்.
